تعبت أصبر

تعبت أصبر على جرحي تعبت وما بقابي روح
قتلني الوقت بظروفه ذبحني وجفف أنهاري

أخفي علتي وأسكت وأنا في داخلي مذبوح
أجامل وأرسم الضحكه وأنا قلبي على ناري

أحاول والله يعلم بي ياروحي بدمعتي لا أبوح
أداري الجرح وأتهرب عن اللي يسأل أخباري ؟

أقول بخير لكني جريح وفي حشاي جروح
صداها لو دفنته يوم يبين أسنين بانظاري

صرخت بحسرتي يكفي صرخت بصوتي المبحوح
أنا ياحبي وش ذنبي عشان أقدم أعذاري

تبعثر حلم قدامي غديت بدنيتي منزوح
وقفت أبكي على جرح(ن) يشتت كل أفكاري

أمني النفس وأخدعها وأقول إن كربتي بتروح
وهي والله مولوده قدر بأرحام لقداري

قتيل ! والبقا براسك بدنيا مابها مصلوح
قتيل ! والبلا منهو ياعمري ياخذ أبثاري

أنا بابقى ضحية حب أعاني والعنا مفضوح
دعيت اللي خلق يرحم رجيته ربي الباري

أبي أسعد أنا بشوفك قبل نزعه توافي الروح
قبل ماأرحل عن الدنيا وأروح لآخر دياري

تعبت أجاملك حبي وأخبي صوتي المبحوح
تعبت أكذب على نفسي وأقول أقوى على ناري

أحبك وأرحم أحوالي وإذا موتي تبي مسموح
دخيل بقلبك القاسي ترى قلبي بكى عاري

أنا بحمل صديد الجرح بباقي وقتي المجروح
وإذا وافتني الساعه ترى(هالشعر تذكاري)

رثاني دمعي الطاهر بصمته مارضى بالنوح
رثتني قسوة الدنيا رثتني حتى بأشعاري

وتركت اللي ذبح قلبي وعشته بالخفا مشروح



لجل ما أضعف بعين اللي سألني وش هي أخباري