اسحلوه

موضوع: اسحلوه الثلاثاء فبراير 12, 2013 10:12 pm

اسحلوه

اسحلوه يستاهل..

حد قاله يبقى ثائر..

لاء ويغلط ف العشائر..

جاى ينادى عيش حريه..

مين اداله الشعارات ديه..

الغلبان ابن الغلبانه..

ايه وداه الاتحاديه..

اسحلوه..

لما يظهرمين ابوه..

ياعتاوله..عذبوه..

امحو ذاكرته وربوه..

حريه ايه اللى عايزها..

وهدوم مين دى اللى لابسها..

قلعوه..
واسحلوه..

بالاسفلت نضفوه..

لازم يعرف مين ريسها..

والبلد مين اللى حارسها..

اسحلوه..

خلوه عبره للثوار..

ال حريه..

موت ياحمار..

وقت الفوضى عدى وراح..

زمن الثوره خلاص انزاح..

وانت ياشعب كفايه كفاح..

جالك وقت لازم ترتاح..

التحرير دا تقفلوه..

واللى يصرخ..قطًعوه..

اى صوت عالى..اكتموه..

اى ثائر كمموه..

اى نور شمس امنعوه..

واللى مش عجبه اسحلوه..

اسحلوه..

واللى حيموت ادفنوه..

وحدوووه