اللى بيحب البلدى.

اللى بيحب البلدى

يرضى مين اللى احنا فيه يامسلمين..

الدمار والانهيار دا.. يرضى مين..

دول يقولوا عاشقين..

ودول يقولوا مخلصين..

كدابين..

و

كدابين..

اللى بيحبك يضحى..وانتى ليه بيضحوا بيكى..

كلو بيحبك ويحكى..بس دى النار قايده فيكى..

همه حابينك كلام..

كلو عاشق والسلام..

بس وقت الجد يجروا.. ع المناصب والرخام..

مش حيرتاحوا ويهدوا..الا لو تبقى حطام..

كل واحد زكى نفسه..وزق اسمه ف الزحام..

اللى بيحب البلدى.. ينسى مين وليه وكام..

ينسى ياخد.. بس يدى.. هما دول بس العظام..

مصر عايزه ولاد حلال..

مش جبابره ولاد حرام..

مصر عايزه ابن بار.. يشد ايدها ف الظلام..

محتاجالكوا يامخلصين.. تدفعوا دين العلام..

محتاجاكو ياطيبين.. تمسكوا بايدكو الزمام..

مصر عايزه ولادها هيه.. اللى يتلموا قوام..

وكل من باع القضيه.. ولانادى بنقسام..

الف لعنه عليه شويه..وبق ميه له حرام..

اللى بيحب البلدى يعلا فوق كل الخصام..

مصر محتاجه التحدى مش مزايده ومش كلام..

اللى بيحب البلدى..

يدعى بالخير والسلام

» اللى باس ينزل