هـي غلطتي والا الزمــن دوم غلطان
منك العتب والا العتب من زمانـي
أحيان أحس الحزن لـ أجلي وأحيان
أقول هذا الحزن ماهو عشانـي
ياليتها غربه وادوّر لــي أوطان
... ياليتها دمعه وتنسـي زمانـي
ياليتها ڪـلمه وادوّر لـي إنسان
ياليتها ساعه واعدّ الثوانــي
أڪـذب عليڪ إن قلت عايش وفرحان.
واڪذب عليك ان قلت موتي ڪفانـي
من ياخذ همومـي ويعطيني إنسان
ماجاه مثل اللي من الحزن جانـي
المشڪله ماهـي بغلطه وندمان
المشڪله ليه الوفاء دوم فانــي
صوره وملّتها من الشيل جدران
ورده وذبلت ومن قطفنـي رمانـي
ماعاد باقـي بالعمر ڪـثر ماڪـان
والصمت يقتل فرحتـي والأمانـي
هات الحزن مادامها احزان بـ أحزان
هات الحزن دام الفرح ما لقانـي
يـاليل وين الصبح ڪل يـوم سهران
أسهر وحزنـي يحتوي ڪـل مڪانـي
يابلاد عمري مابقا فيـڪ سڪـان
ويادمع عيني من بقا ما بـڪانـي
وياقسوة الأيام حنّي بـ انسآن
لو راح ماتلقين انسان ثانـي
تاريخ التسجيل
الجمعة فبراير 15, 2013 12:36 am
