ما بقى فيني قصايد ما بقى فيني شعر ما بقى في أبيات شعري شي يوصف هالشعور
( أعشقك ) مليون قبلي قالها بسالف دهر ودي بشي (ن) جديد يكون درس (ن) للدهور
ودي أوصف لك غلاكي ودي أبني لك قصر من حروفي تسكنيه وما هو بمثل القصور
يا اغلى ما عندي تعالي وافتحي هذا الصدر واخطفي قلبي وشوفي اسمك بوسطه امحفور
كلميه واسأليه ولا غدا دمعه بحر كفكفي دمعه بيدك دمعه ذا فرح وسرور
وادخلي وسطه وشوفي كم زرع لك من شجر وكم حديقه قد صنع لك منتظر منك المرور
وانظري باقصى يمينه كم رسم لك من صور وفي يساره لك سرير(ن) جنب دولاب العطور
وزين الجدران والله بكل ما طاب وندر وحط لك وسطه ثريا وفارشن أرضه زهور
هذا قلبي واسكني به صار لك بيت ومقر به سما لك وارض وحدك وبه الك سبعة بحور
تاريخ التسجيل
