مع كل دقّة ومعزوفة
مع كل نبض لحروفي
بجدّل الكلمات
من جمل حالمة وعاشقة للحياة
من كل شب وبنت
عاشوا بخيالات
غنّوا ورقصوا
عا نغم وغنيّات
هيهات يا أم الزلف
وما أجمل الدلعونات
وأم الجدايل تمايلي
وبعيونهم الخمسات
وهيهات ياقلب من فرحتك هيهات
تخلّي الصبايا المغندرة
تسامر النجمات
والشب بعنفوان يعرض العضلات
وهيهات ياقلب من فرحتك هيهات
بيوم الخميس تتلّبس الحلوات
وتتعطّر بروايح مخمليات
وعالسوق تتبارك المشيات
والشباب يتقاتلوا عالتطليعات
أنا اللي خدت منها غمزة
ووعدتني أنا بالبوسات
وهيهات ياقلب من فرحتك هيهات
صبايا وتتمايل متل الغصن
وتشوف بحالها ست الستّات
ويا معتر يا قلبي
شو بدّك تحمل مدارات
داريها لهاكي الشقرة
بتزعل أم الخالات
ويمكن تتنرفز السمرة
اللي عيونها مكحلات
فيك تقلّي شو مستفيد يا قلب
غير تحس
بالقلب رقصات
بالقلب رقصات
هيدا الحب وجنونه
وهيدي أعمال المراهقين والمراهقات
تاريخ التسجيل
الأربعاء فبراير 27, 2013 11:24 pm
