وطية اثاريك

موضوع: وطية اثاريك الجمعة مارس 01, 2013 12:39 am

ويــــن انت يلي يشفي القلب طاريك ***** عقبك حياتي يا حياتي مملــــه
من يوم ماجفـّــــت منابـع مياريـــك ***** وانا سنيني علتن فوق علــــــه
ضيعت عمري لأجل اكسب مشاريك ***** وارخصت قدري لجل قدرك اشله
وشديـــت سيري صوب وطية اثاريك ***** متبع لنعطك دون علم ومدلــه
ورسمت بك عمـري وكل التباريــك ***** منواي أخذ تحت عودك مظلـــه
وأهملت نفسي وكل همـــي اداريك ***** ابني لشخصـــك داخل القلب حله
لكــن حكم الأقــدار في ايد باريـــك ***** والله قبل الأرواح سطـر الاهلـــه
وانا بغيتك حب بـ الروح شاريـــــك ***** بس القدر يا زيــــن فيه الادله
مــــا رمت ابعد عنك والفكر قاريـك ***** وانته مكانك وسط قلبي تدلـــــه
وكلن ورزقه عند ربـــه بمساريك ***** ويالله عساك بحفظ ربك عسى الله

وسلامتكم