الشخصيات
الام:منار
الاب:طارق
البنات:ملك
مريم
نورا(خطيبة زياد)
سما(خطيبة رامى)
الشباب:ادهم
كريم
زياد
رامى
المقدمة
فى يوم كان شتا وبرد طارق بياخد
منار وبأقصى سرعة عنده وبيطلع بيها على المستشفى وبعد تعب اعصاب استمر ل3
ساعات بيسمع احلى خبر فى حياته وهو وصول ملك ومريم للحياه وهما بنتين زى
القمر وشبه بعض اوى وبيت هم اتملى بالفرح والحب والعادة ومع وصول البنات
للحياه يوصل الرزق ويبقى طارق من اكبر رجال الاعمال وعاشوا فى فيلا كبيرة
وحلوة وبعد كام شهر منار وطارق كانوا بيتفرجو على التلفزيون وسايبيين
البنات فى اوضتهم نايميين بس فجأه سمعو صوت عياط واحده فيهم راحوا يشوفوا
البنت مالها بتعيط ليه بس اتصدموا لانهم لما طلعوا شافوا سرير مريم فاضى
وملك بس هى اللى موجودة وبتعيط والشباك بتاع الاوضة مفتوح وفضلت منار تدور
على بنتها هى وطارق وبردو مكنوش لاقينها لغاية لما فقدوا الامل والبوليس
نفسه فقد الامل وبعد سنين كتيرة كبرت ملك وعرفت من منار وطارق ان هى كان
ليه تؤام اسمها مريم وشبهها اوى بس اتخطفت وفضلت ملك وحيدة وزعلانة على
اختها اللى مشفتهاش وحزنها زاد بعد حفله التخرج بتاعتها كانت هى طالعة
رحلة سفارى مع اصحابها بعد الحفله على طول بس للأسف ملحقتش عشان جالها
تليفون من الشرطة بيبلغوها بوفاه طارق ومنار فى حادثة وهما راجعين من
الحفلة ورايحيين على بيتهم وانهارت ملك وزعلت اوى على منار وطارق واصحابها
كانوا بيحاولوا يخرجوها من مود الحزن ده
الحلقة الاولى
شباب وبنات قاعدين فى النادى بيتكلموا وواحد منهم قال
ادهم: مينفعش كده ياجماعة ملك هتفضل زعلانة كده كتير ومش راضية تخرج دى بقالها 5 شهور
سما:انا حاولت معاها اكتر من مرة عشان اخليها تنزل بس هى مش راضية خالص
كريم: طيب والحل هتفضل كده كتير
نورا:دى مخنوقة اوى وبتقول مش مكتوبلى افرح ابدا
رامى:مسكينة اوى الاول كانت زعلانة على اختها ودلوقتى زاد زعلها عشان باباها ومامتها
زياد:طيب هى فى البيت دلوقتى يانورا
نورا: اه هى بتخرج اصلا
زياد: طيب ماتيجو نروحلها
سما:ماشى انا موافقة تستنوا انتوا فى الجنينة وانا ونورا ندخل نجيبها
رامى :ماشى انا موافق وانت ياادهم انت وكريم
ادهم ،كريم: اه يلا
ولما راحوا لملك
ملك:شكرا ياجماعة زيارتكم دى بالدنيا
كريم:ده واجبنا يابت ده انتى عشرة 4 سنين ولا انتى نسيتى ايام الجامعة
ملك: لا طبعا منستش
نورا،سما:وحشتينا اوى يابت
ملك : وانتوا والله كلكم وحشتونى
رامى: لو احنا وحشناكى بجد يلا قومى انزلى معانا
نورا:ايوة ياكوكى عشان خاطرى
ملك: لا بجد مليش مزاج
زياد:يلا بقى متكسفيناش
ملك:بجد ياجماعة مش هقدر
ادهم:يلا ياملك اصلك مش هينفع تفضلى حابسة نفسك
كده احنا من ساعة مااتخرجنا من 5 شهور وانتى على طول حابسة نفسك هتفضلى
كده لغاية امتى
قومى يلا وانزلى معانا وغيرى جو شوية ولا احنا ملناش خاطر عندك
ملك اقتنعت وقالت
ملك : طيب ماشى
كريم: ياشيخة دلوقتى بقى طيب ماشى وبقالنا ساعة بنتحايل عليكى ودماغك جزمة قديمة انا نفسى اعرف ادهم بيقنعك ازاى
وبعد ما قامت ملك غيرت هدومها وراحوا النادى وهما قاعدين
سما :عندى ليكى خبر يجنن ياملوكة
ملك: ايه
سما: جالك تعيين عندنا فى السفارة
كلهم: بجد
سما: اه
ملك فرحت جدا والكل فرح ليها وباركولها
سما: ادى ياستى جواب التعيين
المدير طلب منى اوصله ليكى عشان عارف ان انا وانتى دفعة واحدة واصحاب
ملك:ميرسى ياسما متتخيليش انا اد ايه فرحت بيه
نسيبهم شوية ونروح مكان تانى فى بلد تانية
ى تل ابيب
دانيال:برافو عليكى يامريم انتى بجد هايلة
مريم:ده بفضل تدريبات حضرتك ياافندم
دانيال: لا بجد انتى بتعملى شغلك على اكمل وجه
مريم:شكرا يافندم وبجد مش هرتاح غير لما اخليها من النيل للفرات
دانيال:وده املنا فيكى انتى وزمايلك
تاريخ التسجيل
الخميس مارس 21, 2013 9:59 am
